KARJALAZET

Karjalan Kielen Koin ezittely

Luadie Vieljärven kyläs Karjalan kielen kodi tuli mieleh kaksi vuottu tagaperin 2011. Täs aijas on äijäl ruattu: on pietty vastavundoi, ečitty partneroi da den'goi koin perustandah niškoi, on suadu da kogonah riičitty vahnu kodi da zavodittu uvven koin srojindu. Azuimmo Vieljärves Karjalan kielen kodi-yhtistyksen, kuduas nygöi on jo 30 hengie - Karjalan da Suomen karjalazii.

Karjalan kieli on pättävy kieli kaikkeh käyttöh. Nimi kieli ei kehity ku sil ei olle opastundua da käytösty koin ulgopuolel. Muamankielel on ylen tärky vuitti jogahizen ristikanzan elaijas, oman kielen da kul'tuuran kunnivoičendu nägyy kaikis elaijan puolis. Sendäh tulies Karjalan kielen kois tahtommo kehittiä karjalan kieldy, suaha sen käytöksen leviembäkse, nostua sen stuatussua.

Tulies Karjalan kielen kois piemmö karjalan kielen kursoi, fiskul'tuurua, kaikenmoizii kursoi karjalan kielel (syömizien luajindu, käziruavot, tiedokonehruavot i m.i.). Sie suau kuunnella karjalankielizii audiokniigoi, lugie karjalankielizii lehtii da kniigoi libo kižata binguo karjalan kielel. Karjalan kielen kois rubieu ruadamah sobienpezendypertti, sil aigua ku mašin pezöy sobii, ristikanzu voi lugie lehtii libo kuduo kangastu.

Syvyskuus 2013 luajimmo uvven koin fundamentan. Sen jälles zavodimmo srojie uuttu karkassukodie. Den'goi täh ruadoh suammo myömäl šipainiekkoi, kniigoi da vahnoi sobii pruazniekoil Karjalas dai Suomes. Olemmo suannuh abuu Petroskoin dorogoin kohendusfirmalpäi (GUP RK ”Most”), arhitektuurufirmalpäi (A-Real) da raudulaukalpäi (TD Gloster). Erähät karjalazet sežo annetah den'goi podarkannu.

Suuret passibot Karjalan Tazavallan kultuuruministerstvale, kudai pidäy sygyzyl 2013 kolmen kuun aigah kaikenmoizii ozutteluloi da kontsertoi Karjalan kielen koin hyväkse. Kai nämä ruavot mennäh Karjalan Piämiehen kačondan ual. Karjalan volont'oruruavonkeskučču tulou täh ruadoh abuniekakse.

Voizitgo Sinägi avvuttua täs ruavos? Vähäs avusgi voi olla äijy tolkuu. Ku Sinul ollou mielii srojindah libo ruavon kehittämizeh näh, voit kirjuttua täh ozutteheh: olga.gokkoeva@pp.inet.fi libo zvonie noumerah +79214503549, +358400 166737.

Ven'al den'guabuu voi andua Karjalan kielen kodi-yhtistyksen bankučotale:
Suajan banku: Ven'an Sberbankan ozasto № 8628, Petroskoi
BIK: 048602673
Kor. čottu: 30101810600000000673
INN: 7707083893
KPP: 100102001
Suajan maksučottu: 40703810225000152813
Klijentan INN: 1021000275
Suajan nimi: Karjalainen alovehelline yhtistys Karjalan kielen kodi
Suomes voi andua den'guabuu bankučotale:
Suaju: Kinnermäen ystävät Ry, Karjalan kielen kodi
IBAN: FI70 1840 3000 0068 47
BIC: NDEAFIHH
Tule terveh Karjalan kielen kodi -projektah!

Karjalan Kielen Koin toimindu - lyhyt histourii
Midä on ruattu, midä rubiemmo ruadamah
2011 - Karjalan kielen kodi-ideju rodih, vastavundat Suomes, Priäžäs, Vieljärvel. Projektupakičuksien luadimine.
Kezä 2012 - Vastavundu Vieljärven rahvahan kel 22.7., piätimmö luadie Karjalan kielen koin. Koin valličendu.
Sygyzy 2012 - kevät 2013 - subotniekat, koin čiistindy, koin bumuagoin luajindu.
Talvi 2012-2013 - Pakičuksil emmo suannuh den'goi. Den'goin keriändy Suomes - 2300 euruo.
Kezä 2013 - Piätös koin riiččimizes. Riičittylöis materjualois Oulun Pikisuaren da Seinäjoven opastujat srojitah pordahat, tualetan da saruan.
Kezä 2013 - Subotniekat joga päiviä, koin riičindy. Den'goin keriändy Priäžäs, Vieljärvel, Kinnermäl teatrufestivualin aigah (čöndžöibazari, kafeterii, arbajazet) - kaikkiedah enämbi 45 000 rubl'ua.
Elokuu 2013 - Den'goin keriändy Kinnermäl 10.8. pruazniekan aigah. 18.8.2013 - den'goin keriändy Oulus šipainiekoin myöndäl.
Syvyskuu 2013 - Koin da fundamentan projektan azumine. Fundamenturuavot zavoditah.
Ligakuu 2013 - Koin rungan srojimine, levon ual enne Uuttu Vuottu. Dizainan kehittämine.
Sygyzy 2013 - talvi 2014 - Den'goin keriändy da sponsoroin ečindy.
Sygyzy 2013 - talvi 2014 - Vieljärvel Julja Ponomareva pidäy karjalan kielen lugemizen kursat.
Talvi 2013 - 2014 Kehitämmö syväindyö uudeh kodih.
Kevät 2014 - Ruavot koin sydämes (eistytäh den'goin miärän mugah).
Talvi 2014 - Kodi on valmis, ruado voi algua.